ایک قطرہ خون | داستانِ کربلا | عصمت چغتائی

.

کربلا کی داستان کو ناول کی صورت میں تحریر کرنے والی کوئی اور نہیں، برصغیر پاک و ہند کی اُردو زبان کی طرح دار اور باغی افسانہ نگار عصمت چغتائی ہیں۔ دُنیا انہیں ٹیڑھی کھیر اور لحاف کے حوالے سے ہی جانتی ہے۔ اُردو ادب کو تین سو سے زیادہ افسانوں کا گراں قدر تحفہ دینے والی عصمت چغتائی، ان کی تحریروں کے بولڈ انداز کی بنا پر انھیں منٹو کا ہم عصر کہا گیا۔ ان پر مقدمے بنے، فتوے لگے اور دیکھیے اسی مصنفہ کے قلم سے ”ایک قطرہ خون“ جیسا ناول بھی لکھا گیا ہے توفیق اور عطا کے بغیر یہ ناممکن ہے آل نبی ﷺ کے گھرانے کو ناول کے کرداروں کی صورت ڈھالنا۔ رسول کریم ؐ کے وصال کے بعد کے زمانے کو بیان کرنا، بالکل ایک ناول کے انداز میں۔ امام حسینؑ اپنی ہمشیرہ بی بی زینبؑ سے گفتگو کر رہے ہیں۔ سکینہ اپنے بابا سے لاڈ کرتی ہیں، حضرت عباسؑ کا اپنے بھائی سے والہانہ محبت، مقدس ترین ہستیوں کی زندگی کی جگمگاتی جھلکیاں، ایک کہانی کی صورت میں بیان کرنا ہرگز ہرگز آسان نہیں تھا۔ جب تک کہ لکھنے والا خود اپنے آپ کو اس زمانے میں نہ لے جائے۔ لکھنے والا آل نبی ﷺ سے محبت اور عقیدت کے رشتے میں بندھا نہ ہو تو کیسے ممکن ہے اسے بیان کرنا۔

Aik Qatra Khoon | Dastan-e-Karbala
by Ismat Chughtai

Hardcover Edition

Novel