چک پیراں کا جسا | ناول | بلونت سنگھ
پیش لفظ: محمد حامد سراج
ضخامت: 424 صفحات | اعلی کوالٹی آرٹ پیپر

-

’’چک پیراں کا جسّا‘‘ پنجاب دھرتی کی مٹی سے ابھرتا ہوا گبھرو ناول ہے۔ دیہات کے ماحول کی عکاسی رام لعل، غلام الثقلین نقوی اور ابولفضل صدیقی کے ہاں بھرپور ملتی ہے اور متاخرین میں طاہرہ اقبال کو ہر گز نظر انداز نہیں کیا جا سکتا۔ لیکن بلونت سنگھ کا اندازِ نگارش اپنا ہے اور منفرد ہے۔ وہ پنجاب کی مٹی میں وہاں کے کلچر کو گوندھ کر چاک پر چڑھاتے ہیں۔ سکھ جاتی تہذیب، رسم ورواج، بول چال محاورہ، گالی، میلے ٹھیلوں کے ساتھ وہ سکھوں کے رہن سہن اندازِ زندگی روزمرہ کی بول چال کو خاص سکھ انداز میں پینٹ کرتے ہیں۔ بلونت سنگھ کا سب سے بڑا کمال یہ ہے کہ سکھوں کی معاشرتی زندگی، گھریلو جھگڑے اور محبتیں اپنے قلم سے امر کر دیتے ہیں۔ آپ ناول کا مطالعہ کیجئے، اس کے کردار سینہ ٹھوک کر آپ سے زندہ انسان کی طرح اپنی زبان میں بات کریں گے۔ جملوں اور مکالموں میں بناوٹ کی بجائے اصل زبان اور لہجے کی کاٹ سے جو زبان رائج تھی بلونت سنگھ کے کردار اسی زبان میں بات کرتے ہیں۔ ناول کا مطالعہ کرتے جائیے اور کرداروں کے ساتھ منظروں کا لطف لیجئے۔ یہ اس زمانے کا ناول ہے جب ابھی کہانی کو موت نہیں آئی تھی۔ طویل ناول ’’چک پیراں کا جسّا‘‘ اپنے اندر اتنی روانی اور کہانی کے بہاؤ سے لبریز ہے کہ مطالعہ شروع کرنے کے بعد قاری اس وقت اس سے الگ نہیں ہوتا جب تک وہ اسے مکمل پڑھ نہ لے۔ جیب سے رقم نکالنا ایک مشکل امر ہے ..... اور محنت کی کمائی سے ہوتا بھی یہی ہے لیکن آپ یہ شاہکار خرید لیجئے، میں پورے یقین سے کہہ رہا ہوں آپ کی رقم اور مطالعہ دونوں رائیگاں نہیں جائیں گے۔
(محمد حامد سراج)

Chak Peeran Ka Jassa

Balwant Singh