بچوں کے لیے ایک دل چسپ اور انوکھا ناول
"وادی طائرستان "Cartonic DVDکے ساتھ
بچوں کی معروف مصنفہ،ماہر نفسیات،آرٹسٹ،ڈرامہ رائٹر راکعہ رضا کے قلم سے۔۔۔

=================================

عرصہ ہوا اس کتاب سے متعلق آپ کو وقتا فوقتا اطلاعات اور قصے کہانیاں سننے کو ملتی رہیں، مگر کتاب مارکیٹ میں آنے سے تھوڑا لیٹ ہو گئی۔۔۔ کس وجہ سے؟ آپ کو بتاتے ہیں!
اس صدی کے دیئے ہوئےاضطراب اور افراتفری کا ہم نے یہ حل ڈھونڈا کہ ہمارے بچے، جو کتب بینی اورقصہ گوئی سے دور ہوتے جا رہے ہیں، کو کتاب اور خیالوں کی دنیا میں واپس لانے کے لیے وہ تمام شکلیں اور ٹیکنالوجی استعماٖل کی جائے، جس کے ہمارے بچے نہ صرف دلدادہ ہیں، بلکہ اس کے علاوہ انہیں کچھ اور سوجھتا ہی نہیں۔ وادئ طائرستان کی کہانی کو آوازوں اور تاثرات کی شکل میں ریکارڈ کیا گیا۔۔۔ جیسے آپ ایک مکمل کہانی سن بھی سکتے ہیں۔۔۔ پھر یہ بات محسوس کی گئی کہ بچے سننے کے ساتھ ساتھ دیکھنے والی چیز کی طرف شاید زیادہ میلان رکھتے ہیں ۔۔۔ اس لیے اس آڈیو کو ویڈیو میں تبدیل کیا گیا۔۔۔ اسے کارٹون اور ان کی حرکات و سکنات سے سجایا گیا۔۔۔ جیسے اکثر یو ٹیوب پر دیکھنے کو ملتی ہیں۔۔۔ اس کام میں تھوڑا وقت لگ گیا۔۔۔ مگر جلدی چھاپنے کے چکر میں معیار پر ہرگز سمجوتا نہیں کیا گیا۔۔۔ وہ کہتے ہیں ناں۔۔۔ دیر آید درست آید ! ایمپورٹڈ پیپر پر عمدہ پرنٹنگ، کلر تصاویر سے مزین, عمدہ جلد بندی۔۔۔۔ بمع کارٹون سی ڈی! 😊
اس سب کے پیچھے مقصد یہی ہے کہ کتاب اور قصہ گوئی سے روٹھے ننھے منے بچوں کو واپس تخیل اور کتاب کی دنیا میں لایا جائے۔۔۔اور اس میں مدد مغربی یا بیرونی تہذیب, مواد سے نہ لینی پڑے۔۔۔ بلکہ ہمارے اپنے پاس کچھ دکھانے، کچھ سمجھانے کے لیے ہو۔۔۔ہماری اپنی تہذیب۔۔۔ ہمارا اپنا خیال۔۔۔!
یہ کہنا غلط نہ ہوگا , کتاب بمع سی ڈی کا کیا گیا تجربہ بچوں کے ادب میں انوکھا اور اچھوتا ہے۔۔۔

پیش لفظ
ایک سوال!

آپ میں سے کتنے لوگ اور بچے سوال پوچھنے اور سوال سوچنے کی عادت محض اس لیے چھوڑ گئے کہ انہیں اُن کے بڑوں سے ”جواب“ ملنا بند ہو گئے؟؟؟
کتنے لوگ اپنے بچپن کا تجسس اور حیرت دل میں ہی چھپا کر بیٹھے ہیں؟؟؟
یقینا بہت سے... ہیں ناں!
جانتے ہیں آپ کی یہ عادت کتنی قیمتی تھی؟؟؟
سوال کرنا، سوال اُٹھانا اور سوچ سکنا... آپ کے ذہن اور دل کے زندہ ہونے کی نشانی ہے۔ کیا خاک زندہ ہیں وہ لوگ جو سوال نہیں اُٹھاتے؟؟؟ یا جن کے ذہن، جن کے دل میں اس کائنات کے رازوں، خدا کی بکھری نشانیوں اور سچائی کی کھوج میں روز بروز سوال نہیں اُٹھتے... انسان کی ترقی، مذہب کی درستگی، اخلاقیات کی تندرستی اور معاشرے کا ارتقاء...یہ سوال پوچھنے سے ہی تو شروع ہوتا ہے!
مگر افسوس!!! ہم سب سوال کرنے کی عادت کھو چکے ہیں۔
یہ کتاب اسی پرانی عادت کی تحریک پیدا کرنے کی ایک چھوٹی سی کوشش ہے۔ اس ناول کے دو کردار حارث اور عیشا کے ساتھ آپ بھی چند سوالوں کے جواب ڈھونڈیں گے... اور شاید بہت سے تو کچھ مزید سوالوں کے جواب میں بھی نکل کھڑے ہوں...!
مختصراً یہ کہ... سوال اُٹھانے کی عادت خدا کا ایک تحفہ ہے، جو خاص بندوں کو ہی ملتا ہے... اس انعام کو ضائع مت ہونے دیں... اپنے پورے دن کے وقت سے چند منٹ ضرور نکالیں... سوال کریں... اختلاف کریں... اور زندہ رہیں!!!

Wadi e Tairistan - Rakia Raza

وادی طائرستان | راکعہ رضا | Book+DVD