واصف علی واصف کی 6 بہترین کتابیں
1- بات سے بات ، 2- کرن کرن سورج ، 3- دل، دریا سمندر،
4۔ قطرہ قطرہ قلزم، 5- دریچے، 6-حرف حرف حقیقت

-----------------------------------------

حضرت واصف علی واصف علیہ الرحمۃ کی باتیں:

- اقبال کے شعر کی تشریح کرنے کے لیے ضروری ہے کہ بیان کرنے والا کم از کم قلندر ہو اور سننے والا کم از کم رموز قلندری سے آگاہ ہو
- اپنی لاعلمی کے احساس کا نام علم ہے۔
- ہم معلوم کو علم کہتے ہیں حالانکہ نامعلوم اور لامعلوم بھی علم ہے۔
- علم باد صبح گاہی اور آہِ سحر گاہی سے ملتا ہے۔
- کتاب کا علم فیضِ نظر تک نہیں ثہنچا سکتا، تزکیہ کے بغیر کتاب کا علم خطرے سے خالی نہیں۔
- ہر عارف عالم ہوتا ہے اور ضروری نہیں کہ ہر عالم عارف بھی ہو۔
- ضرورت کا علم اور شئے ہے اور علم کی ضرورت اور شئے ہے۔
- علم کا مخزن نگاہ ہے اور اس کا مدفن کتاب ہے۔
- لاعلمی سے بے علمی بہتر ہے۔
- آج کی تعلیم کا علمیہ یہ ہے کہ تلاش روزگار کے لیے ہے اور تقرب پروردگار کے لیے نہیں۔
- وہ علم نور ہے جس سے اللہ کی پہچان ہو اور جس علم سے غرور پیدا ہو وہ حجاب اکبر ہے۔
- زیادہ علم جاننے کا غرور اگر نہ جاننے کی عاجزی میں بدل جائے تو حجاب اٹھ جاتا ہے۔
---------------------------------------------

میرے والد نے مجھے نیا جوڑا خریدنے کے لیے کچھ پیسے دیے۔ جب میں مارکیٹ کے سامنے موٹر سائیکل کھڑی کر رہا تھا تو میری نظر کتابوں کے ایک سٹال پر پڑی۔ وہاں واصف علی واصفؒ کی کافی زیادہ کتابیں پڑی تھیں۔ میں نے سارے پیسوں سے وہاں سے اس مصنف کی تقریباً ساری ہی کتابیں خرید لیں۔ جب میں اتنی زیادہ کتابیں اپنی موٹر سائیکل پر رکھ کر گھر کو لوٹا تو میری خوشی اس وقت ناقابلِ بیان تھی کیوں کہ یہ سب ناقابل واپسی تھیں۔ اس رات میں نے واصف علی واصفؒ کی ایک اور کتاب پڑھنی شروع کی اور دن چڑھنے تک ختم کر دی۔ لیکن میری تشنگی (علم کی) ابھی باقی تھی۔ میں مزید پڑھنا چاہتا تھا۔ میں نے محسوس کیا کہ میں واصف علی واصفؒ کا گرویدہ ہو گیا تھا۔ آج جب میں ان کتابوں کو کھولتا ہوں اور نمایاں کی ہوئی سطروں کو دیکھتا ہوں تو میرا یہ احساس اور بھی گہرا ہو جاتا ہے کہ میرے محبوب استاد نے کیسے ایک عظیم دوست کی طرح ہر اچھے برے وقت میں میری رہنمائی کی ہے ۔ وہ کیا کتاب ہے جو آپ کو آپ کی اصل سے روشناس کرواتی ہے۔ آپ کو بتاتی ہے کہ آپ کون ہیں اور آپ کے اندر کی آواز سے آپ کو متعارف کرواتی ہے ۔ واصف علی واصف کی کتابوں نے مجھ پر کچھ ایسا ہی اثر کیا۔ انھوں نے مجھے میرے شوق اور مقصدِحیات سے روشناس کیا۔ انھی کو پڑھ کر مجھے احساس ہوا کہ میرے تجسس اور دلچسپی کا محور فلسفۂ تصوف ہے۔ جس کی تکمیل روحانی کتابوں کو پڑھنے سے ممکن ہے۔“

― قاسم علی شاہ

Wasifiyat Series - Set of 6 books (Special)