Brief Answers to the Big Questions

کا اردو ترجمہ

بڑے سوالوں کے مختصر جواب

.

کچھ مصنف کے بارے میں

سٹیفن ولیم ہاکنگ (1942-2018ء) برطانوی طبیعات دان اور ریاضی دان جن کی تحقیق کا مرکزی شعبہ زمان ومکان کی نوعیت تلاش کرنا رہا ہے۔ انھوں نے اپنی تھیوریز کو لیکچرز، کتب اور فلموں کے ذریعے عوام تک پہنچانے پر بھی زندگی کا کافی حصہ خرچ کیا۔ ہاکنگ آکسفرڈ(برطانیہ) میں پیدا ہوئے اور بچپن میں ہی ریاضی و طبیعات میں غیر معمولی مہارت کا مظاہرہ کیا۔ 1958ء میں آکسفرڈ یونیورسٹی میں داخلہ لیا اور تھرموڈائنامکس، نظریۂ اضافیت اور کوانٹم مکینکس میں خصوصی دلچسپی لینے لگے۔ 1962ء میں اپنا انڈر گریجوایٹ کورس مکمل کرنے کے بعد انھوں نے طبیعیات میں بیچلر ڈگری لی اور کیمبرج یونیورسٹی کے شعبۂ ریاضی میں عمومی نظریۂ اضافیت کے محقق طالب علم کے طور پر داخلہ لے لیا۔ ہاکنگ نے 1966ء میں ٹرینٹی کالج سے پی ایچ ڈی کی اور وہیں 1977ء میں پروفیسر تعینات ہوئے۔ 1974ء میں وہ رائل سوسائٹی کے کم عمر ترین فیلوز میں سے ایک بنے اور 1979ء میں انھیں کیمبرج میں ریاضی کا لوکاسیئن پروفیسر تعینات کیا گیا۔ پوسٹ گریجوایٹ پروگرام کے دوران ہاکنگ کے Amyotrophic Lateral Sclerosis نامی مرض کا شکار ہونے کی تشخیص ہوئی۔ اس مرض کے شکار لوگ حرکت کرنے اور بولنے سے معذور ہو جاتے ہیں۔ 1960ء کی دہائی کے اواخر میں ہاکنگ نے ثابت کیا کہ کائنات کی ابتدا بگ بینگ سے ہوئی۔ 1970ء میں ان کی تحقیق کا دھارا بلیک ہولز کے خواص دریافت کرنے کی جانب مڑ گیا۔ انھوں نے تھرموڈائناکس کے قوانین اور بلیک ہولز کے خواص کے درمیان بھی مشابہتیں تلاش کیں۔ 1974ء کے بعد ہاکنگ نے کوانٹم مکینکس کے ایک تھیورم کی بنیاد پر بلیک ہول کے ارد گرد مادے کے طرزِعمل کا مطالعہ کیا۔ 1990ء کی ساری دہائی کے دوران ہاکنگ ایک ایسی تھیوری پیش کرنے کی کوشش میں لگے رہے جو کائنات کی وضاحت کے لیے سائنسدانوں کی پیش کردہ مختلف تھیوریز کو مربوط کر دے۔ 1988ء میں ہاکنگ کی پہلی کتاب "A Brief History of Time" (وقت کی مختصر تاریخ) شائع ہوئی جس نے ہاکنگ کو شہرت کی بلندیوں پر پہنچا دیا۔ یہ اب بھی دُنیا میں سائنس کی سب سے زیادہ فروخت ہونے والی کتاب ہے۔ "Brief Answers to the Big Questions" اُن کی آخری کتاب ثابت ہوئی جسے اہل خانہ نے ہاکنگ کی وفات کے بعد شائع کروایا۔

کچھ مترجم کے بارے میں

یاسر جواد ترجمہ کے میدان میں نہایت وسیع تجربہ رکھتے ہیں۔ ان کا پہلا ترجمہ فرانز کافکا کا ناول ’’مقدمہ‘‘ (1995ء) تھا۔ اب تک سائنس، فلسفہ، الٰہیات، تاریخ، مذاہب اور نفسیات کے موضوع پر 125 سے زائد کتب کا ترجمہ کر چکے ہیں، جن میں ول ڈیورانٹ، سیمون دی بووا، ہیروڈوٹس، کارل ساگان، سٹیفن ہاکنگ، سر لائیٹنز، کیرن آرم سٹرانگ، ایڈورڈ سعید اور فلپ کے حتی جیسے مصنّفین کی تخلیقات شامل ہیں۔ انھوں نے اکادمی ادبیات کے لیے ’’انسائیکلوپیڈیا ادبیاتِ عالم‘‘ کے علاوہ 2500 صفحات پر محیط ’’عالمی انسائیکلوپیڈیا‘‘ بھی ترتیب دیا۔ نیز فرہنگ آصفیہ اور نوراللغات کی تزئین و تہذیب کی۔

Bare sawalon ke mukhtari jawabat STEPHEN HAWKING

بڑے سوالوں کے مختصر جواب | STEPHEN HAWKING | اردو ترجمہ