مودۃ فی القربیٰ

شاعر: زاہد شمسی

.

محترم خورشید گوہر قلم ہمارے وطن عزیز کے صف_ اوّل کے معروف خطاط تھے۔ بھائی خورشید گوہر قلم اب ہم میں نہیں رہے اللہ کریم جنت کے باغات میں اُن کی روح کو سکون پہنچائے انہوں نے بطور _ خاص میری کتاب کے نام کی خطاطی کی ہے اور جس آیۂ مبارکہ سے یہ نام ماخُوذ کیا گیا ہے اُسے بھی آب دار موتیوں کی طرح سپرد _ قلم کیا ہے۔ یہ نادر خطاطی آپ سب احباب کے لیے پوسٹ کر رہا ہوں اور کچھ اہم تفصیل اور پس منظر بھی درج ذیل ہے مجھے اللہ کریم نے توفیق عطا فرمائی اور میری ایک دیرینہ خواہش کی تکمیل ہوئی کہ میں چہاردۂ معصومین علیھم السلام پر کچھ کہہ سکوں تو اللہ کریم کے خاص فضل و کرم سے میں نے اہلیبت_ نبوہ صلی اللہ علیہ وآلہ وسلم کے چودہ ستاروں پر مسدس مکمل کیے اور ہر مسدس پر مجھے ۱۴ چودہ بند عطا ہوئے۔ جب میں یہ گلدستۂ عقیدت تیار کر چکا تو یہی کیفیت تھی کہ حکم ہوا اور پھر حضرت بی بی زینب علیہ السلام اور حضرت عباس علیہ السلام پر چودہ چودہ بند عطا ہو گئے۔

کتاب مکمل تھی جیسا کہ سر ورق پر روضۂ اطہر نبی اکرم صلی اللہ علیہ و آلہ وسلم اور ان کے ساتھ ۱۶ سولہ پھول آپ دیکھ سکتے ہیں اور یہ خوبصورت اور نایاب آئل پینٹنگ وطن عزیز کی معروف مصورہ اور شاعرہ محترمہ یاسمین بخاری صاحبہ نے دل کی انتہائی عقیدت اور احترام سے 27 رمضان المبارک کی شب بنائی تھی پھر وقت آگے بڑھا تو حضرت بی بی فاطمہ معصومۂ قُم علیہ السلام، حضرت بی بی فضہ رض اور حضرت سلمان فارسی رض پر بھی مسدس مکمل ہو گئے جو اس کتاب “ مودت فی القربی “ کا حصہ ہیں۔ آج آپ احباب کے ساتھ یہ تصویر شئیر کر رہا ہوں اور مجھے بے انتہا فرحت اور شادمانی کا احساس ہو رہا ہے کیونکہ میں یہ پاکیزہ کتاب آج ہاتھوں میں لیے بیٹھا ہوں۔ اللہ کریم کا قرآن _ کریم میں یہ ارشاد ہے کہ:-

‏‎بسم اللہ الرحمن الرحیم ‏‎

قُل لا اَسٸَلکم علیہ اَجراً اِلّاَلمَودّةَ فِی القُربیٰ

۔۔۔ ‏‎“ اے رسول ص کہہ دو کہ مجھے سوائے مودت فی القربی کے اور کوئی اجر _ رسالت نہیں

چاہیے” ‏‎میں نے انتہائی عقیدت اور مودت سے اس آیۂ مبارکہ کو فریضۂ زندگی سمجھتے ہوئے کتاب کی تخلیق کاری کا بنیادی مرکز و محور قرار دیا تھا آپ سب احباب سلامت رہیں۔ اللہ کریم آپ سب کو زندگی میں کامیابیاں، سکون اور خوشیاں عطا فرمائے آمین ثمہ آمین

Muwaddat Fil Qurba | Zahid Shamsi

مودۃ فی القربیٰ | زاہد شمسی