علامہ اقبال کی اردو نثر

مع حواشی و تعلیقات

پروفیسر عبد الجبار شاکر

.

’علامہ اقبال کی اردو نثر مع حواشی و تعلیقات‘‘ میں پروفیسر عبدالجبار شاکر مرحوم نے اقبال کی منتخب 12نثری تحریروں پر تحقیق کی تھی۔ ہرتحریر کے پس منظر کے ساتھ اختلافاتِ متن کی نشان دہی بھی کی۔ اقبال کی نثری تحریریں (مضامین اور دیباچے) بار بار شائع ہوتی رہیں۔ شاکر صاحب نے مختلف اشاعتوں کے گوشوارے مرتب کیے، مگر ان کی حین ِحیات کتاب غیر مطبوعہ رہی۔ اب ڈاکٹر خالد ندیم صاحب نے اسے حواشی و تعلیقات کے ساتھ مرتب اورمدوّن کرکے کتاب کی قدر و قیمت میں اضافہ کیا ہے۔ علامہ اقبال کی نثر پر تحقیق و تنقیدکرنے والوں کے لیے یہ ایک قیمتی ماخذ ہے۔ کتاب بڑے اہتمام سے اشاعت و طباعت کے اعلیٰ معیار پر شائع کی گئی ہے۔ متعدد عکس بھی شامل ہیں۔

.

پروفیسر عبد الجبار شاکر (پیدائش:یکم جنوری 1947ء - 13 اکتوبر 2009ء) پاکستان کے ممتاز عالمِ دین، محقق اور اقبال شناس تھے۔ وہ پنجاب پبلک لائبریری کے ڈائریکٹر جنرل، دعوۃ اکیڈمی اور سیرت اسٹڈی سینٹر، بین الاقوامی اسلامی یونیورسٹی اسلام آباد کے ڈائریکٹر بھی رہے۔

عمر عزیز کا بیشتر حصہ درس و تدریس، مطالعہ اور علمی نوادرات کی تلاش میں گزرا۔ پنجاب پبلک لائبریری، لاہور کے ڈائریکٹر جنرل، دعوۃ اکیڈمی اور سیرت اسٹڈی سینٹر، بین الاقوامی اسلامی یونیورسٹی اسلام آباد کے ڈائریکٹر بھی رہے۔ فیصل مسجد اسلام آباد کے خطیب رہے۔ ان کی کتاب دوستی کا مظہر ان کی وسیع لائبریری بیت الحکمت ہے جس میں تقریباً ایک لاکھ سے زیادہ کتب اور رسائل موجود ہیں۔

تصانیف
قاموس الاقبال،
سیرت النبی کے امتیازات،
مرقع سیرت، علامہ اقبال کی اردو نثر،

Allama Iqbal Ki Urdu Nasar

Prof Abdul Jabar Shakir

علامہ اقبال کی اردو نثر | پروفیسر عبد الجبار شاکر