شمس الرحمٰن فاروقی: جس کی تھی بات بات میں اک بات

محمود الحسن

صفحات 124

محمود الحسن کی یہ کتاب فاروقی صاحب کی ہمہ جہت شخصیت کا خاصا گہرا اور مؤثر تعارف کراتی ہے۔ یہاں ہمیں شمس الرّحمن فاروقی بیشتر خود بولتے نظر آتے ہیں۔ اُن کی ذاتی اور فنی زندگی کے بارے میں اکثر کلیدی معلومات اس میں موجود ہیں۔ فاروقی صاحب کو ناول لکھنے کا خیال کیسے آیا؟ اُن کے ہاں لکھنے کے عمل کی کیا نوعیت تھی؟ کیا کئی چاند تھے سرِ آسماں تاریخی ناول ہے؟ ناول کی تخلیق میں داستانوں کا کیا کردار ہے؟ تخلیق اور تحقیق میں سے کیا زیادہ اہم ہے؟ فنِ ترجمہ کے بارے میں فاروقی صاحب کے کیا خیالات ہیں؟ فکشن میں اُن کے نزدیک قرة العین حیدر، انتظار حسین، منٹو اور بیدی کی کیا درجہ بندی ہے؟ نیر مسعود کس مرتبے پر فائز ہیں؟ اردو افسانے میں ترقی پسندوں کا کیا کردار ہے؟ وغیرہ وغیرہ۔بہت سے بنیادی مباحث پر جامع اشارات مل جاتے ہیں۔ علاوہ ازیں فرانسیسی ، روسی اور انگریزی فکشن کے شاہکاروں پر محاکمہ، ایڈورڈ سعید کی اورینٹل اِزم پر تبصرہ اور اس کے نظریات کی اساسی قدر و قیمت۔ منیر نیازی کی اچھوتی شاعری، احمد مشتاق کا طلسمِ فن، جون ایلیا کے ہاں ٹیلنٹ اور اس کا استعمال، ظفر اقبال کا کمالِ فن۔ غرض ادبی مباحث کی ایک قوسِ قزح ہر ہر صفحے پر سجی ہوئی ہے۔

درتہ ہر حرف غالب چیدہ ام میخانہ ای

”مہر افشاں فاروقی کے حالات و خیالات“ بھی کتاب کا ایک اہم حصہ ہیں اور ایک اعتبار سے شمس الرّحمن فاروقی صاحب ہی کی شخصیت کی ایک توسیع مہیا کرتے ہیں۔

(ڈاکٹر خورشید رضوی)

Shams ur Rahman Faruqi

Jis Ki Thi Baat Baat Main Ik Bat

Mehmood ul Hassan

شمس الرحمٰن فاروقی | محمود الحسن