جواہر لعل نہرو 14نومبر 1889ء کو الٰہ آباد (بھارت) میں پیدا ہوئے۔ وہ بھارت کے پہلے وزیراعظم تھے۔ وہ انڈین نیشنل کانگریس کے رہنما اور تحریک آزادیٔ ہند کے اہم کردار تھے۔ اپنی زندگی میں وہ پنڈت نہرو یا پنڈت جی کے نام سے بھی جانے جاتے تھے۔ نہرو کی تحریریں اُردو پڑھنے والوں کے لیے کوئی نئی چیز نہیں۔ ان کی اکثر مشہور کتابوں کا ترجمہ اُردو زبان میں شائع ہو چکا ہے۔ زیر نظر کتاب کی اشاعت ایک خاص مقصد سے کی گئی ہے۔ گو کہ اس موضوع پر کئی کتب لکھی جا چکی ہیں۔ مگر ایک ہندو کے قلم سے سرورِکونین صلی اللہ علیہ وآلہٖ وسلم اور اُن کے رفیق اعلیٰ حضرت ابوبکر صدیق اور حضرت عمر فاروقِ اعظم رضی اللہ عنہما کو ’’یادگار شخصیات‘‘ میں شامل کر کے احاطۂ تحریر میں لایا گیا ہے جنہیں پڑھ کر قلب و رُوح کو عجب خوشی ملتی ہے کہ ہم مسلمانوں کو اپنے پیارے نبی اور صحابہ کرام سے بے پناہ عقیدت سہی مگر ایک غیرمسلم کا ان ہستیوں کی شان بیان کرنا ایک منفرد عمل بھی ہے اور ہم مسلمانوں کے لیے باعثِ فخر بھی۔ معروف سکھ ادیب و شاعر کنور مہندر سنگھ بیدی سحرؔ کا شعر ہے: ؎

عشق ہو جائے کسی سے کوئی چارہ تو نہیں
صرف مسلم کا محمد پہ اجارہ تو نہیں

یادگار شخصیات | جواہر لعل نہرو | مترجم: رفیق محمد شاستری
قیمت 480 روپے !

یادگار شخصیات | Yadgar Shakhsiat