حیات امام شافعیؒ

امام شافعیؒ کے حالات حالات و واقعات، ذات و صفات،

تعلیمات، اجتہادات، تصنیفات، فقہی اصطلاحات اور محثانہ خدمات کا بیان

مع مختصر انتخاب دیوان امام شافعیؒ

تالیف: کامران اعظم سوہدوری

حضرت امام شافعیؒ
-----------------------

امام محمد ادریس الشافعی150ھ میں فلسطین میں پیدا ہوئے۔ آپ کا تعلق خاندان قریش سے تھا۔ دس سال کی عمر میں مکہ معظمہ تشریف لائے۔ آپ کا حافظہ بلا کا تھا ۔ چنانچہ صرف 7 سال کی عمر میں قرآن پاک حفظ کر لیا۔ 15سال کی عمر میں مؤطا امام مالک حفظ کر چکے تھے۔
20 سال کی عمر تک اسلامی فقہ کی تعلیم مکہ المکرمہ کے مفتی سیدنا مسلم بن خلیل زانجی اور سفیان بن عینیانہؒ سے حاصل کی۔ امام مالک بن انسؒ بھی آپ کے اساتذہ میں سے تھے۔عراق کا گورنر مدینہ منورہ آیا تو امام شافعیؒ کے علم و فضل سے بہت متاثر ہوا۔ اس نے آپ کو منتظم کے عہدے پر فائز کیا۔
لیکن حکومت سے نزاع کی وجہ سے آپ کو عراق بھیج دیاگیا جہاں آپکو ہارون الرشید کے سامنے پیش کیا گیا ۔ ہارون آپؒ سے بہت عزت و احترام سے پیش آیا۔یہاں آپؒ نے امام اعظم ابو حنیفہؒ کے شاگرد امام محمد عیش شعبانی ؒ سے اسلامی فقہ کی تعلیم حاصل کی۔آپ کو حنفی اور شافعی فقہ کے ماہر کا درجہ حاصل ہے۔
سفرِ مصر کے دوران میں اور قیامِ مکہ کے دوران میں آپؒ وعظ اور درس و تدریس میں مشغول رہتے۔ امام احمد بن حنبلؒ وہاں ایک طالبعلم کی حیثیت سے موجود تھے۔ انھوں نے آپ سے خوب فیض حاصل کیا۔مکہ سے امام شافعیؒ بغداد تشریف لے گئے۔ وہاں 3،4سال قیام کے بعد تقریباً 50 سال کی عمر میں آپ مصر چلے گئے۔
مصر میں آپ کا حلقۂ تدریس بہت وسیع تھا اور دنیا بھر کے علماء آپ کے علم سے مستفید ہوتے۔ ان میں حضرت ربیع بن سلیمانؒ، حضرت یعقوب رواہہؒ ، حضرت ابو ابراہیم بن یحیٰ الموزانیؒ جیسے جید علماشامل تھے۔ فقہ اسلامی پر آپ کی دو کتب ’الاُمّ‘ اور ’الرسالہ‘ بہت مشہور ہیں۔
آپؒ نے 204ھ میں مصر میں دارِ فانی سے کوچ فرمایا اورقاہرہ(مصر)کے جنوبی قبرستان واقع القرافہ الصغریٰ میں مدفون ہوئے۔ ایوبی سلطان مالک الکامل کو آپ کے مزار مبارک کی تعمیر کا شرف حاصل ہوا۔

-----------------------
اقوال-----------------:
-----------------------
1۔ضرورتیں کم کرو گے تو راحتیں زیادہ پاؤ گے۔
2۔جو تمھارے ایسے اوصاف بیان کرے جو تم میں نہ ہوں وہ تمھارے ایسے عیوب بھی بیان کرے گا جو تم میں نہیں۔
3۔سخاوت دنیا اور آخرت کے عیبوںکو ڈھانپ لیتی ہے۔
4۔چونکہ جاہل کو اس بات کا یقین ہوتا ہے کہ وہ عالم ہے اس لئے وہ کسی کی بات نہیں مانتا۔
-5۔مخلوق میں سب سے زیادہ ہمدردی کے قابل وہ ہے جو تنگ حالی کے باوجود ہمت سے زندگی بسر کرتا ہے۔
6۔اگر تم اپنے نفس کو حق میں مشغول نہ کرو گے تو وہ تم کو باطل میں مشغول کر دے گا۔
7۔اپنے اوپر سب سے زیادہ ظلم کرنے والا شخص وہ ہے جو ایسے شخص کی عزت کرے جو اس کی عزت نہ کرتاہو، ایسے شخص سے دوستی کرے جو اسے نفع نہ پہنچا سکتا ہو، ایسے شخص کی تعریف کرے جو اسے نہ ہچانتا ہو۔

Hayat Imam Shafi