ادبی تحقیق کے اصول

(اضافوں کے ساتھ)" ایم اے، ایم فل اور پی ایچ ڈی کے طلبا و طالبات کے لیے راہنما کتاب ۔۔۔۔

.

"ادبی تحقیق کے اصول" ڈاکٹر تبسم کاشمیری کی وہ باکمال اور جامع کتاب ہے جو عرصہ تک ہماری جامعاتی ضرورتوں کو پورا کرتی رہے گی۔ اردو میں اس موضوع پر کوئی جامع کتاب موجود نہیں تھی۔ اب اس کتاب کا نیا ایڈیشن اضافوں کے ساتھ شائع ہو رہا ہے۔ یہ اضافے فنِ تحقیق میں نئے معیارات و تصورات کے حوالے سے اہم ہیں۔ ڈاکٹر تبسم کاشمیری نقاد، محقق، شاعر اور استاد کی حیثیت سے اپنی منفرد پہچان رکھتے ہیں۔ تحقیق اپنے موضوع کے حوالے سے جس معیار اور اسلوب کا تقاضا کرتی ہے وہ دونوں پہلو ان کے ہاں موجود ہیں۔ اُن کے شاعرانہ اسلوب نے تحقیق کے ادق موضوع میں جو روانی پیدا کی ہے اُس نے قاری اور طلبا دونوں کے لیے سہولت پیدا کی ہے۔ تحقیق میں معیار بندی اولین ترجیح ہے جس کا ڈاکٹر تبسم کاشمیری نے بہت خیال رکھا ہے۔ یہ کتاب تحقیق کے فن کے مراحل و مراتب کے حوالے سے بہت عمدہ مواد کی حامل ہے۔ تحقیق کے فن سے دلچسپی رکھنے والوں خصوصاً جامعاتی طلبا کے لیے اس کا مطالعہ بہت ضروری ہے۔ کم سے کم صفحات میں اتنا جامع مواد شاید ہی کسی دوسری کتاب میں موجود ہو۔ یہ کتاب اردو تحقیق کے ضمن میں نہ صرف اولین کتابوں میں شمار ہوتی ہے بلکہ اب تک سامنے آنے والے مواد میں بھی اپنے معیار کے حوالے سے منفرد حیثیت رکھتی ہے۔

ڈاکٹر رشید امجد

Adabi Tehqeeq Ke Asul

Dr. Tabasum Kashmiri

ادبی تحقیق کے اصول | ڈاکٹر تبسم کاشمیری