Alipur Ka Ailee is Mumtaz Mufti's semi-autobiographical novel describing the trials and tribulations of the early phase of its protagonist's life. The story continues in Alakh Nagri, which makes up the second part of the long novel.

علی پور کا ایلی 1961ء میں پہلی بار ایک ناول کی حیثیت سے شائع ہوئی اور آدم جی ادبی ایوارڈ کے حوالے سے اسے کافی شہرت حاصل ہوئی۔ بقول ابن انشا یہ کتاب اس لئے مشہور ہوئی کہ اسے آدم جی ایوارڈ نہ مل سکا لیکن اس کے باوجود اسے ادبی حلقوں میں بہت پذیرائی حاصل ہوئی اور ممتاز مفتی کی ادبی حیثیت پہلے سے کہیں زیادہ مستحکم ہو گئی۔

بعد کے ایڈیشنز میں ممتاز مفتی نے اعتراف کیا کہ یہ بچپن سے 1947 تک ان کی اپنی زندگی کی کہانی ہے اور اس داستان کے بیشتر واقعات حقیقت پر مبنی ہیں۔

”اللہ تعالٰی سے دوستی ہے کیا“
”نہیں“ وہ مسکرائے. ”ابھی تو معمولی جان پہچان ہوئی ہے“
”ایک بات پوچھوں“ ایلی نے کہا.
”ضرور پوچھئے. جو جی چاہے پوچھئے“
”اللہ پاک کیسے ہیں؟“
”بہت پیارے ہیں“ انہوں نے جواب دیا. ”بہت ہی پیارے“
”وہ تو بہت سخت ہیں“ ایلی نے کہا.
حاجی صاحب مسکرائے ”سخت ہوتے تو کیا ہم اس قدر بگڑے ہوئے ہوتے“
ایلی کو یہ خیال کبهی نہ آیا تها. اس نے اس زاویے سے اللہ تعالٰی کو کبهی نہ دیکھا تها. اس کے نزدیک اللہ تعالٰی ایک عظیم ہستی تهی. بے نیاز بے پروا !!
”ایلی صاحب“ وہ بولے. ”اللہ تعالٰی سے دوستی کر کے دیکھو، اس قدر مخلص دوست نہیں مل سکتا“
”میں اس قابل نہیں“ ایلی نے جواب دیا.
”قابلیت اور اہلیت وہ خود عطا کرتے ہیں“ حاجی صاحب نے کہا. ”صرف ان کی دوستی کی خواہش پیدا کرو. صرف خواہش“
”خواہش تو خود پیدا ہوتی ہے زبردستی پیدا نہیں کی جا سکتی“ ایلی نے کہا.
”تو یہ خواہش ان سے مانگو. اللہ سبحان تعالٰی سے یارانہ خوبصورت سے خوبصورت عورت کے یارانے سے کہیں زیادہ رنگین ہے“
حاجی صاحب کی باتیں عجیب تھیں. ایلی سوچ میں پڑ گیا. اس شخص کا تخیل کس قدر رنگین ہے. اس کی غمناک نگاہ میں کتنی وسعت ہے“
(ممتاز مفتی، علی پور کا ایلی)

Ali Pur ka Aily

Alipur ka aili

mumtaz mufti

mumtaz muftee

ممتاز مفتی | علی پور کا ایلی