فتوحات مکیہ

-شیخ الاکبر ابن العربی محی الدین ابوبکر محمد بن علی الطائی
اردو ترجمہ: حضرت علامہ صائم چشتی
مکمل ۲ جلدیں

.

حضرت علامہ صائم چشتی نے شیخ الاکبر محی الدین ابوبکر محمد بن علی الطائی کی تصوف پر معرکة الآرا ء کتاب ”فتوحات مکیہ ”کا اردو ترجمہ چھپ چکا ہے ۔ آپ کا یہی ترجمہ انڈیا میں اعتقاد پبلشنگ کمپنی نے شائع کیا ۔دیباچہ لکھتے ہوئے ڈاکٹر محمد اسحاق قریشی کہتے ہیں ،

”فتوحات مکیہ ان امتیازی اوصاف کی بنا پر ہر دور میں علماء وصوفیاء کی توجہ کا مرکز رہی ہے ۔۔درسگاہوں اور روحانی تربیت گاہوں میں اس کی باقاعدہ تدریس ہوتی رہی ہے ۔برصغیر کے قارئین بھی اس کی لطافتوں سے آشنا ہیں لیکن وہ طبقہ جو عربی زبان سے کما حقہ واقف نہ تھا احسا س محرومی کا شکار رہا ۔چاہت کے باوجود اور محبت کے بے پناہ جذبات کے باوصف زبان کی غیریت سد ِراہ رہی ۔
ضرورت تھی کہ اس عظیم علمی اور روحانی سرمائے کو اردودان اصحاب کے لئے پیش کیا جائے ،بحمد اللہ یہ سعادت ہمارے دوست اور کرم فرما جناب علامہ صائم چشتی کو حاصل ہوئی ۔فتوحات مکیہ کا ترجمہ ایک بہت بڑی جرات ہے ۔اس کے لئے ایک ایسے انسان کی ضرورت تھی جو علم وادب کی وادیوں کا راہی اور تصوف ودین کے نشیب وفراز سے آگاہ ہو ۔
علامہ صائم چشتی پنجابی زبان کے نمائندہ شاعر ہیں ۔اردو نظم ونثر میںان کا قلم بے تکان کئی مشکل مراحل سے گزرا ہے ۔چشتی نسبت سے اور ذاتی میلان کی وجہ سے ان میں تصوف رموز واوقاف سمجھنے کی صلاحیت ہے ۔انہوں نے نظم ونثر میں متعدد کتابیں تالیف کی ہیں جن میں فنی مسائل سے لے کر علمی وادبی نگارشات سب شامل ہیں ۔فقہ،تاریخ ، سیر میں ان کے قلم سے کئی الجھے ہوئے مسائل پر ضغیم کتب تحریر ہوئی ہیں ،عمر بھر کے تجربے اور گداز کے بعد انہوں ے یہ بیڑا اٹھایا ہے کہ شیخ اکبر کی نمائندہ کتاب ”الفتوحات مکیہ ”کو اردو قالب میں ڈھال دیا جائے ۔علامہ صائم چشتی کا ترجمہ رواں ہے ۔الفاظ کے انتخاب میں نہایت احتیاط سے کام لیا گیا ہے”۔

Fatuhat e Makkiah

Fatoohat e Makkiyah

Ibn Al Arabi

Ibn e Arabi

2 Volumes Set

فتوحات مکیہ | شیخ الاکبر محی الدین ابن العربی | اردو ترجمہ | مکمل ۲ جلدیں