اقبال شاعرِ فردا | غلام صابر

.

Iqbal Shair e Farda

Ghulam Sabir
---------------------------------------------------------
اقبال کی فکر سے آگاہی کے لیے ضروری ہے کہ اقبال کے منظوم اور نثری آثار سے شناسائی اور ان کی معنویت کا ادراک ہو۔ اقبال شاعرفردا اس بنیادی ضرورت کو پورا کرنے والی کتاب ہے۔ غلام صابر نے اقبال کی نمائندہ اور اہم نظموں کے مضامین اور افکار کو بہت ہی سلیس، جامع اور موثر انداز سے بیان کر کے قارئین ، خصوصاً نوجوان نسل کے لیے، اقبال شناسی کا سامان بہم پہنچا دیا ہے۔ 'طلوع اسلام'، 'ابلیس کی مجلس شوریٰ'، 'مسجد قرطبہ'، 'ساقی نامہ'، 'آواز غیب' اور 'تن بہ تقدیر' اقبال کی وہ نظمیں ہیں جن کے مضامین و افکار ہمارےمعاصر حالات و مسائل سے بھی اتنے ہی متعلق ہیں جتنے کہ علامہ کی زندگی میں تھے۔ اقبال کے افکار کی مختلف جہتوں کو بھی اس کتاب میں شامل کیا گیا ہے۔ اقبال کے افکار پر مشتمل یہ کتاب اقبال کے اس بیان کی تصدیق فراہم کرتی ہے کہ:
نغمہ ام از زخمہ بے پروا ستم
من نوائے شاعر فردا ستم