جلدی کسی لیے | مصنفہ : ساجدہ ناہید | اعلٰی کوالٹی پیپر
نظرثانی : ڈاکٹر عبدالحیٔ ابڑو | تصحیح و تخریج : نوید احمد بشار

------------------------------------------------------------------------------------
اللہ سبحانہ و تعالیٰ نے انسان کو مادہ و رُوح کا مرکب بنایا ہے اور اس کی دونوں قسم کی ضروریات کی تکمیل کا بھرپور سامان کیا ہے، مادی خوراک کی فراوانی کے ساتھ ساتھ اس کے لیے روحانی غذا کی بہم رسانی کا انتظام فرمایا ہے۔ آسمانی ہدایت اور وحیٔ الٰہی کے نزول کا اہم مقصد انسان کو اخلاقی فضائل سے مزین اور رذائل سے پاک کر کے رُوحانی بالیدگی عطا کرنا ہے تاکہ وہ اس خلدِ بریں کا مستحق ہو سکے جو اللہ تعالیٰ کی رضا مندی کا آخری اور اہم مظہر ہے۔ زیرِ نظر تالیف (وَعَجِلْتُ إِلَيْكَ رَبِّ لِتَرْضَیٰ) اسی سلسلے کی ایک کڑی ہے جس میں نفس کی بُری خصلتوں اور رذائل سے نجات پانے کے لیے عملی تدابیر تجویز کی گئی ہیں۔ یہ بات واضح ہے کہ اصلاحِ نفس کا کام علمی و نظری سے زیادہ عملی مشق کا تقاضا کرتا ہے، اس لیے مؤلفۂ کتاب نے عملی پہلوؤں پر زیادہ توجہ مرکوز کی ہے اور یہی چیز اس کاوش کو انفرادیت کا درجہ دلاتی ہے۔ کتاب میں تجویز کردہ عملی مشق کو بروئے کار لا کر اللہ کی توفیق ونصرت سے اصلاح و تربیتِ نفس کا کٹھن مقصد حاصل کرنے میں بڑی مدد لی جا سکتی ہے۔ میرے لیے خوشی کا مقام ہے کہ راقم کا مصنفہ ساجدہ ناہید صاحبہ سے ان کے تالیفی سفر میں اپنی بساط کے مطابق مقدور بھر علمی تعاون رہا ہے؛ گزشتہ مجموعوں کی طرح میں نے زیرِ نظر کتاب پر بھی نظر ثانی کی اور حسبِ استعداد اسے بہتر سے بہتر معیار پر لانے کی کوشش کی ہے۔ اللہ تعالیٰ سے دُعا ہے کہ سابقہ کاوشوں کی طرح فاضل مؤلفہ کی زیرِ نظر کاوش کو بھی اپنے بندوں کے لیے خیر کا ذریعہ بنائے اور اپنی بارگاہ میں اسے شرفِ قبولیت عطا کرے۔ آمین!
(ڈاکٹر عبدالحئی ابڑو)

jaldi-kis-liye-sajida-naheed

جلدی کسی لیے | ساجدہ ناہید