1883ء میں اَولیور نپولین ہِل ریاست ورجینیا کی وائز کائونٹی کے جس مکان میں پیدا ہوا، وہ صرف ایک کمرے کا تھا۔ وہ دس سال کا تھاجب اس کی والدہ کا انتقال ہوگیا۔ اس وقت تک وہ اپنے شہر پونڈ کا آوارہ ترین لڑکا تھا لیکن اس کی سوتیلی ماں نے اس کو بہتر ہونے میں بہت مدد دی اور پندرہ سال کی عمر تک وہ ایک پڑھنے لکھنے والا لڑکا بن گیا تھا۔ وہ مقامی اخبار کو آرٹیکل لکھ کر دیا کرتا تھا۔ 1908ء میں جب وہ پچیس سال کا ہوا تو اس نے امیر اور مشہور لوگوں کے بارے میں کالموں کا ایک سلسلہ شروع کیا۔ یہ سلسلہ اس کی کسبِ معاش میں تبدیلی کا سنگِ میل ثابت ہوا۔ ہِل کو شروع سے ہی ذاتی ترقی اور کامیابی کے قوانین کا معمہ حل کرنے کا جنون تھا۔ جب وہ اپنے عہد کی ایک کامیاب امریکی کاروباری شخصیت اینڈریو کارنیگی سے ملاتو کارنیگی نے نہ صرف اسے اپنی ذاتی کامیابی کے بارے میں راہنمائی فراہم کی بلکہ اپنے دوست اور ایک کامیاب شخص ہنری فورڈ سے بھی ملوایا۔ ہنری فورڈ نے بعدازاں ہِل کو مشہور موجدوں الیگذینڈرگراہم بیل اور تھامس ایڈیسن سے متعارف کروایا۔ نپولین ہِل نے 500 کے قریب کامیاب شخصیات سے ملاقاتیں کیں اوران کے انٹرویوز کیے۔ اس طرح وہ کامیابی کے موضوع پر کتب احاطۂ تحریر میں لانے کے قابل ہو گیا۔ نپولین ہِل نے امریکی صدر وُڈرَو وِلسن کے لیے بھی کام کیا۔ جنگ عظیم اوّل کے دوران وہ صدر کا مشیر تھا۔ جب رَوزویلٹ صدر بنا تو ہِل کو وائٹ ہائوس بلوا لیا گیا۔ وہاں اس نےصدر کا معروف ریڈیو خطاب ’فائیر سائیڈ چیٹس‘ لکھنے میں مدد دی۔ وہ ریڈیو پر ذہنی دبائو کے حوالے سے لیکچر بھی دیا کرتا تھا۔ ہِل اولین فلپائنی صدر مینوئل کوزون کا مشیر بھی رہا۔ ڈبلیو کلیمنٹ سٹون کے ساتھ مل کر ہِل نے ذاتی کامیابی کے موضوع پر ایک رسالہ بھی نکالا جو خاصہ مقبول ہوا۔ نپولین ہِل کی ’اپنی مدد آپ‘ سلسلے کے تحت لکھی گئی کتاب ’ ’سوچیے اور دولت کمائیے‘‘ تاریخ کی دس کامیاب ترین کتابوں میں سے ایک ثابت ہوئی جس کی اب تک دُنیا بھر میں دس کروڑ سے زائد کاپیاں فروخت ہوچکی ہیں۔ ہِل ایک مالدار شخص کے طور پر 1970ء میں اس دُنیا سے رخصت ہوا۔

اشاعت : مئی ۲۰۲۰ء
نام کتاب: سوچیے اور دولت کمائیے Think & Grow Rich
مصنف: نپولین ہل Napoleon Hill
مترجم: محمد غوث صدیقی
نظر ثانی، تسہیل و اضافہ: پروفیسر سید امیر کھوکھر َ

اردو ترجمہ | سوچیے اور دولت کمائیے | Think & Grow Rich