سلطان عشق: مجموعۂ اشعار حضرت امیر خردکرمانیؒ

Moeen Nizami, Uzma Aziz Khan | تدوین و ترجمہ: معین نظامی، عظمیٰ عزیز خان

ضخامت: 103 صفحات

امیر خرد ؒ صاحب اسلوب نثر نگار ہونے کے ساتھ ساتھ اعلیٰ درجے کے شاعر بھی تھے۔ دیوان یا کلیات مرتب کیا یا نہیں، اس بارے میں کسی کو کچھ اندازہ نہیں کیوں کہ شعراء کے تذکرے ان کے ذکر سے خالی ہیں۔ تذکرہ نگاروں نے انھیں صوفی سمجھ کر نظر انداز کیا شاید اس لیے بھی کہ سخن ور اور سخن سنج ہونے کے باوجود انھوں نے خود بھی شعرا ء کی صف میں شامل ہونے کی کوشش نہیں کی۔ عاشقانِ صادق کی فہرست میں نام لکھوایا اور بڑا مرتبہ پایا مگر سیرالاولیا ان کے کمالات نثر کے ساتھ شعری کمالات اور عظمت کی گواہ بھی ہے۔ اس کتاب میں جابجا ان کے جو اشعار بکھرے نظر آتے ہیں، اس سے اندازہ ہوتا ہے کہ امیرؒ کی شاعری عشقِ صادق کی بنیاد پر استوار ہوئی ہے۔ عکس ذات، جوش اورخلوص کا مظہر۔ اس شاعری میں گرمی ہے، سوز ہے، جاں سپاری ہے، محویت ہے، دل برشتگی ہے۔ امیرؒ اپنی شاعری میں سراپا اشتیاق، سراپا عجز و انکسار اور سراپا خلوص نظر آتے ہیں۔ہر جگہ ایک ھی دھن ہے۔نغمے مختلف ہیں مگر لے ایک ہی ہے۔ یہ ہے حضرت سلطان المشائخؒ کا عشق۔

ڈاکٹر اسلم فرخی

Sultan e Ishq-Majmooa e Ashaar e Hazrat Ameer Khurd Kirmani RA | سلطانِ عِشق: مجموعۂ اشعار حضرت امیر خُرد کرمانیؒ