جناب میرحسین علی کرمانی کی یہ فارسی تصنیف جو سلطان ٹیپو کی شہادت سے آٹھ سال بعد لکھی گئی، انگریزوں کے خلاف سلطان کی معرکہ آرائیوں اور ہندوستان کے دورِزوال کا ایک قیمتی مرقع ہے، جسے فاضل مترجم نے شگفتہ اور رواں اُردو میں منتقل کر کے اُردو دان طبقہ کے لیے ایک حقیقی تاریخی اور علمی کتاب مہیا کر دی ہے۔ حیدر علی، ٹیپوسلطان اور اُن کے عہد کے متعلق سب سے پہلے یہی کتاب لکھی گئی۔ بعد میں اِن موضوعات پر جتنی کتابیں بھی لکھی گئی ہیں، یہ کتاب اُن سب کا ماخذ رہی ہے۔ اس لحاظ سے اس کتاب کی اہمیت اور بھی زیادہ ہے۔ فاضل مترجم نے ترجمہ میں شروع سے آخر تک عام فہم زبان استعمال کی ہے۔ پھر یہ کہ توضیح طلب اُمور کی حواشی کے ذریعہ وضاحت کر دی ہے۔ ترجمہ کی اِن خصوصیات کے باعث معلومات اور تفہیم کے لحاظ سے کتاب کی وسعت میں اضافہ ہو گیا ہے۔

-----------------

شیر میسور ٹیپو سلطان شہید (نشانِ حیدری)
مصنف: سیّد میر حسین کرمانی
فارسی سے اُردو ترجمہ: محمود احمد فاروقی
ضخامت: 544 صفحات (32 رنگین تصاویر)
Tipu Sultan Shaheed