کسی ادارے یا فرد کی محنت، دیانت اور نیت کا یقین ہی اس کا سرمایہ ہے۔ سب رنگ نے یہ یقین پیدا کرنے کی ہر امکانی کوشش کی۔ عدم تواتری کی وجہ بھی یہی تھی کہ شکستہ حال آنے سے، نہ آنا بہتر ہے... اُن دنوں جب سب رنگ معرکے سر کررہا اور اشاعت کی صورت میں صلہ بھی مل رہا تھا، تو نہ دن کا ہوش تھا نہ رات کا۔ پہلے کہیں لکھا ہے کہ ایک مرتبہ تو 22 دن تک گھر بھی نہ جانا ہوسکا۔ دفتر ہی گھر بن گیا تھا... سب رنگ کی داستان سینتیس اڑتیس سال پر محیط ہے۔ وہ روز و شب تو اب فسانے لگتے ہیں مگر سینے میں تڑپتے، دھڑکتے رہتے ہیں۔ باقی، باقی... لگتا ہے، زیادہ نہیں تو غبارکشا ئی کے لیےکچھ وقت اور مل جائے شاید... ’’سب رنگ کہانیاں‘‘ کی یہ تیسری جلد ملاحظہ ہو۔ کل محمّد عرفان کہہ رہے تھے کہ اس سلسلے کی ساری جلدیں مکمل ہوجائیں تو عالمی کہانیوں کا کیسا عمدہ انتخاب کتابی صورت میں محفوظ ہوجائے۔ میں نے کہا فکر نہ کرو، سب رنگ کی میراث میں ایک شخص موجود ہے جس کا نام ہے حسن رضا گوندل... اس کے بس میں ہو تو وہ سب رنگ کی ساری تحریریں ایک ساتھ شائع کروا دے۔‘‘

(شکیل عادل زادہ، اقتباس دیباچہ جلد سوم)

* شکیل عادل زادہ کا نگارخانہ *
3سب رنگ کہانیاں
سمندر پار سے شاہ کار افسانوں کے تراجم
مرتب: حسن رضا گوندل
ضخامت 368 صفحات | 30 کہانیاں

دُنیا کا بہترین اَدب ، دُنیا کے بہترین کاغذ پر

Sab Rang Kahaniyan 3 Shakeel Aadil Zada

سب رنگ کہانیاں | جلد سوم