اسلامی تصورِ جہاں اور جدید سائنس

اسلام، سائنس، مسلمان اور ٹیکنالوجی کے باہمی تعلق پر مکالمہ

پروفیسر سید محمد حسین نصر

ترجمہ: انجینئر اطہر وقار عظیم

صفحات: 264

سید محمد حسین نصر

محترم اسلامی سکالر ، سید محمد حسین نصر 7 اپریل 1933 کو تہران میں پیدا ہوئے۔ آپ کے والد ، ایران کے شاہی معالج اور معروف ماہر تعلیم تھے۔ آپ نے ابتدائی تعلیم تہران سے حاصل کی ۔ ثانوی تعلیم کے لئے آپ کو گھر والوں کی طرف سے، امریکہ بھیجا گیا۔ جہاں انہوں نے ، نیوجرسی کے علاقے ہائیٹ ٹاؤن کے معروف ادارے، پیڈی سکول سے ہائی سیکنڈری تعلیم حاصل کی حتیٰ کہ 1950 میں وہاں سے گریجوئیٹ کا امتحان ، اعزازی نمبروں اور امتیازی کارکردگی کے ساتھ پاس کیا ۔ جس کے نتیجے میں انہیں ، MIT سے تحصیل علم کا موقع ملا۔ جہاں انہیں Giorgio de Santillana اور دیگر مکتب روایت سے جڑے صوفی اور بزرگ شخصیات کی تحریریں پڑھنے کا موقع ملا۔ MIT سے گریجوئیٹ کرنے کے بعد، آپ نے 1956 میں ارضیات اور جیو فزکس میں ماسٹر کی ڈگری بھی حاصل کی۔ آپ نے پی ایچ ڈی (PhD) کی ڈگری کے لئے طبیعات کی بجائے ، سائنس کی تاریخ جیسے مضمون کا انتخاب کیا ۔ اور ڈاکٹریٹ کے لئے معروف تعلیمی ادارے ہارورڈ چلے گئے ۔ آپ نے محض 25 سال کی عمر میں ڈاکٹریٹ کی ڈگری ( سند ) حاصل کیا ۔ آپ نے دوران تعلیم ہی ، ہارورڈ یونیوسٹی میں تدریس کا عمل شروع کر دی تھی۔ تعلیم کی تکمیل کے بعد آپ واپس اپنے وطن ایران آئے اور تہران یونیورسٹی میں پروفیسر کی حیثیت سے کام شروع کیا۔ سال 1972 میں تہران میں آریا مہر یونیورسٹی آف ٹیکنالوجی کے وائس چانسلر بھی رہے۔ 1970 کی دہائی میں انہیں شاہی (Imperia) اکادمی برائے فلاسفی ( ایران ) کا سر براہ مقرر کیا۔ یہ اپنی نوعیت کی پہلی منفرد درس گاہ تھی ، جہاں اسلامی فلسفے اور مکتب روایت کی تدریس عصر حاضر کے تناظر میں دی جاتی تھی۔ سید محمدحسین نصر کو یہ اعزاز بھی حاصل ہے کہ وہ پہلے غیر مغربی مسلمان سکالر ہیں۔ جنہوں نے ( Grifford lectures) گریفورڈ لیکچرز ( خطبات ) دیے ہیں۔ سید محمد حسین نصر پچاس سے زائد کتب کے مصنف ہیں اور اسلامی سائنسز ، اسلامی فلسفه، صوفی ازم ، شاعری ، ماحولیات اور اسلامی مابعد الطبیعات کے حوالے سے سیکڑوں مقالات تحریر کر چکے ہیں۔

Seyyed Hossein Nasr

اسلامی تصور جہاں اور جدید سائنس | سید حسین نصر