معروف مصنفہ راکعہ رضا کی کتاب

"آخری سیڑھی " کا دوسرا ایڈیشن"۔۔۔

سوچنا اچھا ہے

(پیش لفظ۔۔۔اشاعت دوم)
ابھی دو سال پہلے ہی کی بات ہے۔
جب تمام تر شوق و بے قراری دل میں دبائے، بے یقینی ذہن میں لیے کتاب کی ترتیب و تدوین کے لیے کام جاری تھا۔ پہلی کتاب کاجوش و خروش ہی کچھ اور ہوتا ہے۔ تب ہرگز امید نہ تھی کہ کتاب کو اس قدر پسند کیا جائے گا کہ احباب کے شوق کے مد نظر اس کا دوسرا ایڈیشن بھی چھپے گا۔ اس بار آپ اس کتاب میں کچھ تبدیلیاں بھی دیکھیں گے۔اس کے سرورق اور ترتیب میں کچھ تبدیلیاں کی گئی ہیں ۔تاکہ یہ غلط فہمی دور ہوجائے کہ یہ کتاب صرف بڑوں کے لیے ہے،جب کہ اس کتا ب کو تو نوعمر اور بڑے بچے سبھی پڑھ سکتے ہیں سمجھ سکتے ہیں۔ اس کتاب میں ،میں نے اپنی سی کوشش کی ہے کہ یہ غلط فہمی دور کی جائے کہ بچوں کی سوچ یا ذہن کسی طور کمتر یا ناکارہ ہوتی ہے۔۔۔نوعمر، بڑے بچوں میں ایسے عنوانات اور سوچ کی ترغیب دی جائے، جو انہیں خود کو اور اپنے اردگرد کی دنیا کو ایک نئے انداز سے دیکھنے اور سمجھنے میں مدددے، انہیں سوچنا سکھائے۔۔۔ اور سوچنا تو ایسی عادت ہے جو آج کل ہمارے بڑوں میں بھی ناپید ہے۔ آئیں بچوں سے یہ نیک شروعات کریں۔۔۔ انہیں یہ کتاب پڑھنے کو دیں۔۔۔ تاکہ ان کے نو خیز ذہنوں میں سوچنے کا، غور کرنے کا بیج بویا جا سکے۔۔۔ پھر اگلی نسل کو انشاء اللہ سوچنا، سمجھنا اور تخلیق کرنا مشکل نہیں لگے گا۔۔

Aakhri Seerhi | Rakia Raza

آخری سیڑھی | راکعہ رضا