فکرِ اقبال | مصنف: ڈاکٹر خلیفہ عبدالحکیم

455 صفحات

.

.

:مصنف کے بارے میں

پروفیسر ڈاکٹر خلیفہ عبدالحکیم (پیدائش: یکم جولائی، 1893ء - وفات: 30 جون، 1959ء) پاکستان سے تعلق رکھنے والے مشہور و معروف فلسفی، شاعر، نقاد، محقق، ماہر اقبالیات، ماہر غالبیات، مترجم اور سابق پروفیسر فلسفہ عثمانیہ یونیورسٹی اور سابق ڈائریکٹر ادارۂ ثقافت اسلامیہ لاہور تھے۔

ڈاکٹر خلیفہ عبدالحکیم یکم جولائی، 1893ء کو لاہور، برطانوی ہندوستان میں پیدا ہوئے۔ انہوں نے سینٹ اسٹیفین کالج (دہلی یونیورسٹی) سے ایم اے (فلسفہ) کی ڈگری حاصل کی۔ اگست 1919ء میں علامہ محمد اقبال کی سفارش پر حیدرآباد، دکن میں نئی قائم شدہ عثمانیہ یونیورسٹی میں فلسفے کے اسسٹنٹ پروفیسر ہوگئے۔ 1922ء میں جرمنی گئے اور 1925ء میں ہائیڈل برگ یونیورسٹی سے فلسفہ میں ڈاکٹریٹ کی ڈگری حاصل کی۔ ان کے تحقیقی مقالے کا عنوان Metaphysics of Rumi (رومی کی مابعد الطبیعیات) تھا۔ پی ایچ ڈی کرنے کے بعد وہ حیدرآباد دکن واپس آکر عثمانیہ یونیورسٹی میں فلسفہ کے پروفیسر اور صدرِ شعبہ مقرر ہوئے۔1943ء میں امر سنگھ کالج سرینگر کے پرنسپل ہو کر کشمیر چلے گئے جہاں بعد میں ناظمِ تعلیمات بھی مقرر ہوئے۔1947ء میں مستعفی ہو کر واپس حیدرآباد دکن آگئے جہاں انہیں عثمانیہ یونیورسٹی میں ڈین آف آرٹس فیکلٹی مقرر کیا گیا۔ حیدرآباد دکن پر ہندوستان کے قبضہ کے بعد 1949ء میں وہ لاہور منتقل ہوگئے۔ فروری 1950ء میں ڈاکٹر خلیفہ عبدالحکیم کی کوششوں سے لاہور میں دارۂ ثقافت اسلامیہ قائم ہوا تو وہ اس

کے پہلے ڈائریکٹر مقرر ہوئے۔

Fikr e Iqbal | Khalifa Abdul Hakim

.

:تصانیف

مختصر تاریخِ فلسفۂ یونان (تالیف ڈاکٹر ویلہم نیسل) (جرمن زبان سے اردو میں ترجمہ)

نفسیات وارداتِ روحانی

داستانِ دانش

شریمد بھگوت گیتا

تشبہاتِ رومی

اسلام کی بنیادی حقیقتیں

اقبال اور مُلا

تلخیص خطبات اقبال

مقالات حکیم(مرتب شاہد حسین رزاقی)

افکار غالب

حکمت رومی

فکر اقبال

Metaphysics of Rumi

Islam & Communism

The Prophet and His Message

Islamic Ideology

کلامِ حکیم (مرتب ڈاکٹر افتخار احمد صدیقی)

فکرِ اقبال | ڈاکٹر خلیفہ عبدالحکیم