در یتیم ﷺ

مصنف: ماہر القادری

صفحات: 256

گزارش

ناولوں اور افسانوں کی بنیاد خود تراشیدہ خاکے ہوتے ہیں جن میں انشا پرداز کا تخیل رنگ بھرتا ہے۔ در یتیم بھی ناول کے انداز پر لکھا گیا ہے لیکن اس ناول کا ہیرو وہ "انسان کامل" ہے جس سے بہتر انسان پر آج تک سورج طلوع نہیں ہوا یہی ذات گرامی خلاصہ کائنات، فخر موجودات اور شرف انسانیت ہے۔ اس لیے "در قیم" میں ایک لفظ بھی ایسا نہیں ملے گا جو اس زبان حق ترجمان ہے کہ وما ينطق عن الهوى ان هو الا وحی یوحی کی مصداق ہے نہ ادا ہوا ہو اور اس کتاب میں شامل کر دیا گیا ہو۔ اس ناول کے واقعات تاریخی اساس اور روایتی شہادتیں رکھتے ہیں، درایت کو بھی نظر انداز نہیں کیا گیا، ہم حبابوں اور آبگینوں کی اس منزل سے بڑی احتیاط کے ساتھ گزرے ہیں۔ ہاں! یہ ضرور ہے کہ بعض کیفیات اور تفصیلیں "زبان حال" سے بیان ہوئی ہیں جن میں ناول نگار کا تخیل بھی شامل ہو گیا ہے۔ مثلا روایتوں سے یہ ثابت ہے کہ عبدالمطلب نے منت مانی تھی کہ جب میرے دس بیٹے ہو جائیں گے تو ایک بیٹے کو خدا کی راہ میں قربان کروں گا اس منت کے پورا کرنے کا انہوں نے ارادہ کیا تو عبد اللہ کے نانہال والوں نے مزاحمت کی۔ اس سلسلہ میں جو مکالمہ درج ہے اور واقعہ کی جو تفصیل پیش کی گئی ہے وہ تخیلی ہے یعنی اس تاریخی شہادت کو میں نے افسانوی طرز پر پھیلا دیا ہے کہ اس سلسلہ میں یہ واقعہ نفسیاتی طور پر پیش آنے چاہئیں بلکہ پیش آئے ہوں گے اور اس انداز کی بات چیت ہوئی ہو گی۔

دودھ پلانے والیوں کا مکالمہ، حلیمہ سعدیہ کی گفتگو اور اس کے سفر کے واقعات بھی "زبان حال" سے لدا ہوئے ہیں۔ اس "زبان حال" کی بنیاد تاریخی روایتیں ہیں مگر تفصیل میرے تخیل نے پیدا کی ہے۔ اس انداز کی تفصیلات سے گریز کرتا تو پھر یہ ناول خالص تاریخی کتاب بن کر رہ جاتا۔ بعثت نبوی ﷺ کے بعد کا حصہ سب سے زیادہ مستند اور معتبر ہے، اخبار و سیر کی کتا ہیں اس کا مائند ہیں' اس احتیاط کے باوجود مجھ سے بھول چوک ہو سکتی ہے۔ میں انسان ہوں فرشتہ نہیں ہوں لیکن اللہ دل کا حال جانتا ہے کہ جہاں تک مجھ سے ہو سکا ہے افسانہ اور ناول کا طرز قائم رکھتے ہوئے بھی میں نے احتیاط برتی ہے۔ میرے بڑھی سے ناول اور افسانوں کے مجموعے چھپ کر منظر عام پر آچکے ہیں۔ لیکن یہ ناول (در یتیم) میرے لیے ذخیرہ عقبی اور توشہ آخرت ہے۔ نہ جانے کتنی بار خود ہی لکھتے لکھتے ہے اختیار رویا ہوں یہی آنسو میری زندگی کا سرمایہ اور میری خوشیوں کی گرانقدر متاع ہیں۔

در یتیم کی غایت نگارش تفریح طبع نہیں توفیق عمل ہے۔

ماہر القادری
کراچی

Durr e Yateem

Mahir ul Qadri

Seerat

Sirat un Nabi SAW
Biography of Prophet Muhammad SAW

Durr e Yateem | در یتیم | ماہر القادری